三哥的社會活動

土匪義工團隊出動！我哋邀請咗60位受明愛向晴軒照顧嘅媽咪同小朋友，嚟三哥一齊食午餐。 我哋仲請嚟小丑姐姐米米同小朋友玩遊戲，三哥姐姐仲親手整爆谷比小朋友，小朋友嘅笑聲真係冇停過。 希望大家都可以趁住佳節，將歡樂分享畀身邊嘅每一位啦！

由三哥全力贊助嘅「LIFE MART 原創・獨創・創意手作市集」除咗有一眾文創單位擺攤，仲有一連串三哥主題節目，好似香麻辛辣大激試、絲網印刷活動、霓虹燈打卡位等。

平時為滿足各位三粉，三哥姐姐都緊守崗位盡心工作；嚟到中秋佳節，我哋就秉承傳統早收，畀姐姐同家人共敘天倫，好好休息一日。各位三粉千祈唔好介意呀！ 中秋節(9月13日)三哥全線分店*營業至下午4:00，想嗌土匪加餸，記得喺3:40截單之前落單啦。 *機場、九龍塘又一城、元朗形點及九龍灣德福廣場分店照常營業

譚仔三哥身體力行，今日我哋一班三哥同事一齊去西貢海灘清理垃圾！ 三哥行前一步，希望大家都一齊行多一步，今個summer去沙灘玩完記得帶走垃圾，愛護我哋嘅家園！

由5月30日起，譚仔三哥全線分店將會用紙飲管取代膠飲管，同時歡迎大家外賣時自攜合適的外賣器皿。 三哥主動行前一步，希望大家都可以行多一步，主動走飲管以及外賣餐具。一人行多一步，不要膠下去！

岩岩個星期日我地參加左 點滴是生命 A Drop of Life 舉辦嘅點滴揹水活動響應「世界水日」，希望出一分力等多D人知道其實世界上仍然有好多人想飲一滴水都好困難，並從新思考水嘅珍貴，立志珍惜用水呢~~??????