我哋啲姐姐先行告退，唔係趕住變嫦娥奔月，而係要同家人做節，共敘天倫。平時佢哋都緊守崗位，今次就畀佢哋好好休息返晚啦！ 中秋節(10月1日)三哥秉承傳統，全線分店*營業至下午4:00，3:30截單。各位想邊食三哥邊賞月嘅話，記得早啲嚟嗌外賣啦！*九龍塘又一城、元朗形點及九龍灣德福廣場分店照常營業

呢幾日疫情好似有緩和跡象，呢個時候，我哋更加唔可以鬆懈。聽日三哥就會送出 30ml 免沖洗消毒搓手液 2 萬支，方便大家隨時消毒雙手，凡堂食顧客即可獲取一支（每張單計）。祝願病毒喺香港絕跡，大家平平安安啦！

視障人士經常需要用手觸碰唔同地方，比一般人更有消毒雙手嘅需要，但要佢哋去搶購防疫物資亦相當唔容易。三哥義工隊擒日就親手將消毒搓手液大樽轉迷你噴霧樽，送畀社企「黑暗中對話」轉贈予視障人士，希望喺抗疫路上為佢哋送上點點溫暖。