🌸新春大吉，為「線」最樂嘅譚仔三哥出動同街坊拜年，將溫暖同新年祝福帶到入社區！😆我哋聯同聖雅各福群會 @food_co_offical 發放愛心💗，去到上水區邀請有需要人士嚟到上水海禧華庭分店免費享用米線同小食，用窩心美食迎接龍年。 活動中我哋發揮線有善報精神，仲送出燕麥片同紙包飲品等小禮物，畀街坊豐豐盛盛過新年。龍年譚仔三哥會繼續愛心送暖一條龍🐉，去到社區每個角落發揮線有善報精神！

佳節送暖行動一浪接一浪，天氣咁凍就更加要用行動辣着善心！❤️‍🔥上個月，譚仔三哥又聯同聖雅各福群會發揮「線有善報」精神，邀請觀塘區有需要人士去藍田德田商場分店免費享用米線同小食，實行用窩心米線傳達關懷。🥰 我哋嘅送暖行動又點只咁少，當日仲預備咗燕麥片同紙包飲品等小禮物送畀參加者，加倍驚喜！🎁2024年譚仔三哥會「堅持辣着」繼續發揮「線有善報」精神，將愛心散播到香港每個角落。

年尾佳節在即，譚仔三哥當然會把握呢個機會向有需要嘅人送上溫暖，用善心辣着社區！我哋聯同聖雅各福群會FOOD-CO 去到葵盛東商場，邀請區內街坊嚟到我哋嘅分店免費食米線，發揮「線有善報」精神！ 活動中葵青區街坊除咗享用米線同小食，我哋仲預備咗燕麥片、紙包飲品等小禮物送畀參加者 ，大家都食得好開心！ 善心辣着咗唔好畀佢停 ，嚟緊譚仔三哥都會繼續「線有善報」，想知道我哋下一站會去邊，就記住繼續留意喇！