社會責任

我們的核心價值之一是回饋社會。我們在社會和社區可持續發展方面的努力主要集中於(其中包括)社區關懷、兒童及青少年發展以及倡導創意等方面。我們與多個慈善機構及非政府組織合作,設計和舉辦慈善活動。

三哥的社會活動

8 月 30, 2023

線有善報嚟到元朗送上暖意🥰

線有善報又嚟喇!譚仔三哥聯同聖雅各福群會 FOOD-CO 辣到入元朗安寧路分店,繼續堅持發揮線有善報精神,向有需要人士送上暖意。🥰 為咗令街坊感受到三哥嘅溫暖善心,我哋除咗邀請佢哋免費享用暖意窩心嘅米線同小食之外,仲預備咗譚仔三哥 x Dustykid 「線」有善報毛巾、紙包飲品、餅乾等禮物,將快樂延續。 下個月我哋會再次出動,去到不同社區送上關懷,希望將愛心蔓延💗
8 月 4, 2023

三哥嚟到觀塘區💖用行動溫暖社區🥰

天氣雖然陰晴不定🌦,但譚仔三哥嘅善心就非常堅定!今次嘅線有善報聯同聖雅各福群會 FOOD-CO 去到觀塘區,邀請有需要人士喺藍田德田商場分店享用堂食米線同小食,用行動溫暖社區。💖 除咗美食之外,同場仲送出譚仔三哥X Dustykid 「線」有善報毛巾、紙包飲品、麥片、餅乾等禮物,將快樂延續🥰。三哥嘅愛心行動唔會停,個個月都會出動,想知我哋會去邊區就記住留意喇!
7 月 7, 2023

三哥嚟到深水埗社區送上「美」線暖意💖

天氣再熱,都不及三哥嘅善心熾熱💖 。今個月譚仔三哥聯同聖雅各福群會 FOOD-CO 去到深水埗區,向有需要人士送上「美」線暖意,發揮「線有善報」精神溫暖社區😍。 第一站首先去到福榮街分店,招待街坊享用米線同小食,同場仲送出譚仔三哥 x Dustykid 「線」有善報毛巾、紙包飲品、麥片、穀物片等禮物,街坊都滿載而歸😆。 為「線」最樂嘅三哥更加「行多一步」,去到附近社區送上外賣米線,實行將愛心送到每個角落!
繁