冷鋒來襲，氣溫驟降❄️，除咗可以食返碗熱騰騰嘅米線保暖之外，記得關心身邊嘅人，將溫暖傳遞出去！ 就好似今個月，三哥繼續聯同聖雅各福群會 @FOOD-CO 發揮「線」有善報精神，嚟到黃大仙區同有需要人士分享米線同提供日常所需物資。11月28號，三哥喺黃大仙竹園廣場分店免費招待堂食米線外，29號仲【行多一步】去到樂富嘅社區中心派發外賣米線，畀大家享用到暖笠笠米線之餘，仲收到由 @Dustykid 設計嘅「線」有善報毛巾、@Savewo 救世口罩、穀物片、飲品等豐富禮品，個個都滿載而歸，好滿足呢！ 無論天氣幾凍，三哥都會繼續陪住大家，送上絲絲暖意❤️下一站，三哥又到邊一區呢？記得留意我哋啦！

酷熱天氣警告生效🔥都無阻三哥熾熱嘅善心，繼續聯同聖雅各福群會 FOOD-CO 發揮「線」有善報精神，今日嚟到【佐敦】分店同區內有需要嘅人士分享香麻辛辣嘅三哥米線。大家除咗免費享用到米線外，仲收到 @savewohk 救世口罩一齊抗疫、飲品、麥片、穀物片等禮品帶返屋企🥰有得食，又有得收禮物，真係「百感交集」❤️ 因為舉行活動，想食三哥嘅三粉就要到鄰近分店。

【「線」有善報 為大家再行多一步！】 過去兩年，譚仔三哥聯同聖雅各福群會FOOD-CO喺各區分店多次舉辦「線有善報」活動，為有需要人士免費招待米線。為咗令「線」 心可以更加深入社區唔同角落，分享畀不同有需要嘅人士，我哋決定主動【行多一步】，落區去地區中心派發外賣米線，將「線」有善報嘅精神散播出去！ 今日我哋就嚟到觀塘牛池灣，將三哥外賣米線送到當區有需要人士手上，同佢哋一齊分享美味嘅快樂💗 之後我哋都會繼續行多一步、兩步以至更多步，令「線」意傳遍社會每一個角落！